REFY: halavana
NY ELANELANA SY HALAVANA TEO AMIN’NY MALAGASY
Nisy fiatraikany tsikelikely teo amin’ny fomba nahazatra ny malagasy ny fandrosoana sy ny fifaneraserana tamin’ny firenena hafa.
Niova sy nivoatra ny fomba nentin-drazana sasany ary foana tanteraka nony taty aoriana. Niha-tsy fampiasa firy intsony koa ireo teny malagasy nifanaraka taminy.
NY MOMBA NY HALAVANA SY NY ELANELANA:
Samihafa ny fomba filaza izany araka ny venty.
.1-Ny tondro na ny voatondro: raha fohy ny elanelana dia tondro sy felatanana no ampiasaina. (tsindrio ny sary)
|
|
Ny ratsantanana dimy :
ankihibe→fanondro→fanondroadala
→manarapoana→ankihikely.
Ny haben’ny ratsana iray no atao hoe tondro. Ahazoana ny tondro iray na voatondro iray, tondro roa….
Ny haben’ny felatanana no ahazoana ny vodifelatanana na voavodifelatanana.
Ohatra: vodifelatanana sy tondro telo no halavany.
| a |
 (Tsindrio ny sary)
|
Zehy : Ny manelanelana ankihibe sy ny fanondroadala.
-Vehana: Ny manelanelana ny ankihibe sy ny fanondro.
tsy mitovy amin'ny ataon'ny frantsay hoe "empan" : manelanelana ny ankihibe sy ny ankihikely, ny zehy sy ny vehan
3-MANDREFY: raha REFY no venty ampiasaina. Ny refy dia ny elanelana azo raha mitsotra mahitsy ny tanana roa: refy – roa refy…
Ny lamba fitafin'ny vehivavy malagasy atao sampikavia ireny no roa refy sy sasany. (tsindrio sary)
|
M A N D R E F Y |
ANARANA |
ELANELANA (Atao hoe A ny amin’ny ilany havia ary B ny havanan’ny tena) |
|
|
REFY |
Tanana roa mivelatra |
Valonjehy = fitodia |
|
|
AMPAMOLAHANA |
Kihon’ny tanana B↔tendron-dratsantanana A |
Eninjehy |
|
|
MANINDAO |
Helika B↔tendron- dratsantanana A |
Diminjehy |
|
|
AMPAMELOMANDROA |
Tendro-nono B↔ tendron-dratsantanana A |
|
|
|
MAMAKITRATRA |
Refy/2 |
Efajehy |
|
|
AMPAMELOMANTOKANA |
Tendro-nono A↔tendron-dratsantanana A |
|
|
|
TOVONTSANDRY |
Helika A↔tendron- dratsantanana A |
Telonjehy |
|
|
HAKIHO |
Kiho A↔ tendron- dratsantanana A |
Roanjehy |
|
|
AMPANJATOANA* AMPIRAVAHANA |
Hatotanana A↔ tendron-dratsantanana A |
|
*Ampanjatoana na ampiravahana satria ny hatotanana no mpitondra ny firavaka, ary mpanjato na ny mpanakarena no miravaka.
4-MANDIA: ny DIAN-TONGOTRA no venty ampiasaina.
|
M
A
N
D
I
A
|
ANARANA
|
ELANELANA
|
|
DIA
|
Halavan’ny faladia
|
|
|
MANALARANTSANA
|
Halavan’ny faladia raha tsy eo ny ankihibe
|
|
|
TAPADIA
|
Atsasaky ny faladia
|
|
|
TSIVALANDIA
|
Sakan’ny faladia
|
Ny dingana dia ny elanelan'ny tongotra roa misabaka.
Dingandava no iantsoana ny dingana lehibe raha manao ezaka.
5-Manampy ireo ny tombatombana vokatry ny fandinihana:-Tratoraka (takatoraka), tradefona (takadefona), tratrantso, trabasy.
Sy ireo maneho elanelana sy faharetam-potoana: Lalana indray mahamasabary, lalana indray andro, lalan-kateloana, lalan-kerinandro.
Miverina eny ambony