Ny olombelona toy ny fototr’akondro : ny LEHIBE manaloka ny ZANDRY ary ny KELY manotrona ny ZOKY
Nous sommes heureuses de vous recevoir sur notre site dédié aux enfants.
Vous allez pouvoir découvrir divers aspects de la culture malgache, ou retrouver une partie de votre enfance.
Nous vous remercions de votre visite."
Raha angano sy ohabolana, ankamantatra sy lovatsofina , takariva amorom-patana
no namolavola ny ankizy malagasy tany aloha.
Diatoy ny rivotra iainana eo amintsika ankizy ankehitriny ny haino amanjery sy ny solosaina.
Na inona na aiza hanabeazana ny ankizy malagasy dia tsy tokony adinoina ny loharano nihaviany.
Andy sy Feno
Ity tranonkala ity no natao dia mba hahafahana migoka ny hatsaran'ireny fanabeazana taloha ireny, na ho fialamboly fotsiny aza, ary koa hahafehy ny zotran'ny fivoarana amin'izao vanim-potoana izao: hiara-mitsiky, hiaraka hiala voly, hiaraka hiasa saina.
Dia hifampizara ny mahasoa sy mahafinaritra.
ANDRO IRAISAM-PIRENENA HO AN'NY ZON'NY ANKIZY NY 20 NOVAMBRA Toy ny zavatra mandeha ho azy ao antsain'ny olon-dehibe ny fananana ANKIZY: izany hoe fananana ZO hanana ankizy.
Koa raha heverina fa zo ny hanana ankizy dia tokony tadidiana mandrakariva koa fa safidy sy fahasoavana noraisina izany ary sombin'ny aina.
Toy ny hazo vao mitsimoka, koloina raha tiana hidoroboka sy hitombo. Mila fiarovana, fanabeazana ao anaty fitiavana ny ankizy fa sanatria tsy ho lasa fitaovana, na ho fototry ny fanjerana ny fahatezerana sy fahasorenana noho izy ireo mbola marefo.
Ary marobe ny ankizy tsy manam-piaro no miaina ao anatin'ny tontolon'ny tahotra sy fanambakana.Izany no nahatonga ity andro iray ity: "arovy ny ankizy, ampio ny ankizy iharan'ny tsy rariny". Na tsy ara- bola na harena aza fa fanovana ny fomba fijery ireny ankizy mahantra ireny, ka tsy hitsara azireo befahatany. Ny fo manam-pitiavana ihany no mahay mizara.
1-Raha misy mitaraina
Ankizy iray miferin'aina
Moa hihaino moa ny maro ?
ka hitondra teny mamy sy hijoro mba hiaro? 2-Zava-tokana tsarovy
Aina toa anao ireny, tsy nifidy ny ho velona
Fiangaviana: "mba arovy "
Ireo zo sy fifaliany: voaloto sy voatelina.
3-Misaora fa ny tenanao
Nosoavin'ny mpahary: sambatra miriaria.
Ankizigasy toy izao,
Zanaky ny fako antsena, andosiran'ny mpitia.
4-Aharo aminao in-dray (in-dray mandeha monja)
Izany tsy mahita lamba ao anivon'ny ririnina
Dia ho tsapanao fa hay,
Ilay ankizy feno tsiny! Mila indrindra ny tsimbinina
5-Fa aina toa anao ireny Ka mahalala maharary sy mandre mangirifiry Aina koa no miteny Fa ny olo-maro lasa: "ny nijery moa mba firy?"
